top of page

Mooi Berge Padstal het baie meer as net Mooi berge

Wanneer mens met die R44 vanaf Stellies na die Strand ry, is die Mooiberge Padstal so ‘n bekende stopplek dat dit amper nie nodig is om te beskryf nie. Loer op Google Maps, en jy merk op dat daar reeds meer as 2600 resensies op Google Maps oor die plek geskryf is.


Draai elk geval in by die hek, gaan eet of drink iets in die restaurant en vergaap jou aan al die diere wat deur ‘n baie kreatiewe kunsternaar langs die R44 staangemaak is. Na ‘n WP wen teen die Blou Bulle maak die Kaapse donkie altyd seker hy kom die bul by, daar teen die heining!



Die restaurant het iets vir elke smaak, en in die somer kan jy nie wegbly van ‘n lekker smoothie nie! Hulle Berry Best Smoothie is my persoonlike gunsteling.





By die padstal gedeelte is al die gewone padstal dinge soos vrugte, droë vrugte en vrug-in-die-bottel beskikbaar. Hierdie is nou nie een van die padstalle waar jy stilhou om die die beste winskopie in die geweste te kry nie, maar om iets besonders te soek, of ‘n groot verskeidenheid raak te loop. Die rakke is netjies gepak met droë vrugte, konfyt, ingelegte vrugte, en dan witblits vir die winter. Dit wil voorkom of die Brandslang witblits meer vure gaan laat brand as gaan doodgooi, maar probeer hom elk geval!






By die toonbank help die vriendelike personeel jou graag om alles op jou Visa te laai sodat jy eers terug by die huis oor die betaaldag hoef te bekommer. Buite kan jy weer na die donkie en die blou bul gaan kyk, terwyl vroutjie nog ietsie vir haar vriendin gaan kry om saam te vat. Om die hoek is ‘n uitstalling van ou trekkers en plaasimplemente as sy steeds nie opdaag nie.

As jy gewonder het: langs die restaurant is daar ook netjiese gratis badkamers.



Wat ookal jou smaak, draai maar altyd daar in as op die R44 ry.

Recent Posts

See All

2 Comments


Nou laat jy my terug verlang na die Wes-Kaap. Ons het dan en wan by Mooi Berge ingeglip oor 'n naweek toe ons nog in die Kaap gebly het. En jy's reg, daar is beslis hope om van te kies (en die Visa is geduldig 😉).

Ek kuier bietjie op julle blog rond totdat julle alles vertel van die Cape Camino (het op Cape Camino se FB blad gesien julle gaan daaroor skryf). Ek sien baie uit daarna. Ons het die Camino's in Spanje en Portugal gestap en gaan nog op 'n mooi dag een van die Cape Camino se roetes ook doen. Ons is oorspronklik van Langebaan, so dit behoort nie te moeilik te wees nie .... behalwe dat…

Like
Heinrich van Wyk
Heinrich van Wyk
Nov 23, 2023
Replying to

Dankie Corna,

Ek sal graag van julle ondervindings by die Spaanse/Portugese Camino wil hoor. Ons dink om dit eendag te gaan doen.

jy is welkom om op die blog te registreer vir nuwe inligting. Dan kry jy n epos met nuwe plasings. Geen advertensies

Like
Post: Blog2_Post
bottom of page